Бэс ыйын 10 күнүгэр СӨ Национальнай бибилэтиэкэтин историческай саалатыгар Улуу Кыайыы үбүлүөйдээх 80 сылыгар анаммыт «Мэҥэ Хаҥалас оройуона Аҕа дойду Улуу сэриитин сылларыгар 1941-1945 сыллар» улуус дьаһалтатын, нэһилиэктэр дьаһалталарын уонна сүрүн тэрилтэлэр бырайыактарынан 34 кинигэ киэҥ эйгэҕэ сүрэхтэниитэ буолан ааста. Тэрээһин «Аарык» эр дьон вокальнай ансаамбыла толоруутугар «Мин мантан сэриигэ барбытым» ырыанан саҕаланна.

«Мэҥэ Хаҥалас улууһа» муниципальнай оройуон дьаһалтатын баһылыга, бырайыагы салайааччы Дмитрий Иванович Тихонов эҕэрдэ тылын тириэртэ уонна кинигэҕэ үлэлээбиттэргэ наҕараадалары туттарда. Историческай нэһилиэстибэни тыыннаах хаалларыыга уонна көдьүүстээх сырдатар үлэҕэ кылааттарын «Мэҥэ Хаҥалас оройуона Аҕа дойду Улуу сэриитин сылларыгар 1941-1945 сыллар» 34 томнаах кинигэлэр тахсыыларыгар сүҥкэн өҥөлөрүн иһин СӨ Ил Дарханын Махталын РФ уопсай үөрэхтээһинин Бочуоттаах үлэһитигэр, СӨ үөрэҕириитин туйгунугар, бырайыак салайааччытыгар, кыраайы үөрэтээччигэ Софья Гаврильевна Дмитриеваҕа, СӨ үөрэҕириитин туйгунугар, И.Г.Игнатьев аатынан Хара орто оскуолатын педагог-бибилэтиэкэригэр, кыраайы үөрэтээччигэ, СӨ АИС-ЭЛАР электроннай фондатыгар үлэни тэрийээччигэ Октябрина Егоровна Дмитриеваҕа туттарылынна. Итини сэргэ, СӨ култууратын сайдыытыгар кылаатын, актыыбынай уопсастыбаннай үлэтин, «Мэҥэ Хаҥалас оройуона Аҕа дойду Улуу сэриитин сылларыгар 1941-1945 сыллар» 34 томнаах кинигэлэр тахсыыларыгар өҥөтүн иһин СӨ Ил Дарханын махталын кыраайы үөрэтээччигэ, СӨ хомус норуоттар икки ардыларынааҕы түмэлин исписэлииһигэр Станислав Николаевич Афанасьевка бэрилиннэ. Салгыы кинигэ ырытыытын И.М.Сосин аатынан улуустааҕы киин бибилэтиэкэ ааҕар саалатын бибилэтиэкэрэ Марина Егоровна Трифонова оҥордо. СӨ АИС-ЭЛАР электроннай фондатыгар үлэни тэрийээччи Октябрина Егоровна Дмитриева, кинигэ оҥоһуллан тахсарыгар улуус дьаһалтатыттан эппиэттээх Анастасия Алексеевна Федорова, СӨ Национальнай бибилэтиэкэтин салайааччыта, СӨ култууратын туйгуна, историческай наука кандидата Саргылана Васильевна Максимова, СӨ Национальнай архыыбын информационнай өҥөлөрү оҥорор отделын салайааччыта Екатерина Анатольевна Сергеенко, СӨ норуотун хаһаайыстыбатын үтүөлээх үлэһитэ, Өксөкүлээх Өлөксөй аатынан Государственнай бириэмийэ лауреата Матвей Васильевич Мучин, СӨ норуотун хаһаайыстыбатын үтүөлээх үлэһитэ, СӨ Ытык Сүбэтин бэрэссэдээтэлэ Люлия Николаевна Григорьева, СӨ физическэй култууратын уонна спордун үтүөлээх үлэһитэ Юрий Петрович Баишев, СӨ Үрдүкү суутун отставкаҕа олорор судьуйата, РФ суудун систиэмэтин бэтэрээнэ, СӨ үтүөлээх юриһа Александр Михайлович Сотников, СӨ наукатын үтүөлээх деятелэ Роман Васильевич Десяткин, СӨ култууратын үтүөлээх үлэһитэ Ирина Васильевна Уваровская, СӨ үөрэҕириитин үтүөлээх үлэһитэ, Шишигиннар педагогическай династияларын бэрэстэбиитэлэ Агния Спиридоновна Жиркова, СӨ үөрэҕириитин Бочуоттаах бэтэрээнэ Дмитрий Михайлович Васильев, Хара нэһилиэгин Бочуоттаах олохтооҕо Светлана Егоровна Аргунова саҥа кинигэлэр бэчээттэнэн тахсыбыттарынан бары үлэлээбиттэргэ махтаннылар.

Кинигэ үйэлээх өйдөбүнньүк, үүнэр көлүөнэ, эдэр ыччат төрөөбүт дойдуларын устуоруйатын, дьонун-сэргэтин үөрэтиигэ туһалаах буоларыгар эрэнэбит диэн эттилэр. Мэҥэ Хаҥаластааҕы кииннэммит бибилэтиэкэ ситимин дириэктэрэ Марианна Афанасьевна Никанорова түмүк тылга соторутааҕыта Ижевскай куоракка ыытыллыбыт XXIX Бүтүн аан дойдутааҕы библиотечнай Конгресска кыттыыны ылбытын туһунан сиһилии кэпсээтэ, саҥа тахсыбыт кинигэлэри Конгресс кыттыылаахтара үрдүктүк сыаналаабыттарын бэлиэтээн эттэ.

СӨ Национальнай бибилэтиэкэтин салайааччыта, СӨ култууратын туйгуна, историческай наука кандидата Саргылана Васильевна Максимова РФ уопсай үөрэхтээһинин Бочуоттаах үлэһитигэр, СӨ үөрэҕириитин туйгунугар, бырайыак салайааччытыгар, кыраайы үөрэтээччигэ Софья Гаврильевна Дмитриеваҕа “СӨ библиотечнай дьыала сайдыытыгар кылаатын иһин” анал бэлиэни туттарда.

Тэрээһини биир дойдулаахтарбыт Вероника Степанова, «Аарык» эр дьон вокальнай ансаамбыла ылбаҕай ырыаларынан киэргэттилэр.

Норуот хорсун быһыыта өлбөөдүйбэтин, көлүөнэттэн көлүөнэҕэ бэриллэ, албан аата үйэтитиллэ турдун!

Ыстатыйа Мэҥэ-Хаҥалас МЦБС телеграмм ханаалыттан ылылынна: https://t.me/biblmk/2440