Арассыыйаҕа Дьиэ кэргэн, Саха Өрөспүүбүлүкэтигэр Оҕо саас сылыгар анаммыт «Дьиэ кэргэн бастыҥ кинигэтэ» күрэх түмүктэннэ. Күрэххэ барыта 36 үлэ киирбит. Сүрүн тэрийээччи - СӨ Национальнай библиотекатын Кыраайы үөрэтэр национальнай кинигэ салаата.

Дьүүллүүр сүбэҕэ Саха сирин норуодунай суруйааччыта Семен Попов-Тумат, Арассыыйа суруйааччыларын сойууһун чилиэнэ Евдокия Иринцеева-Огдо, бэйиэт, прозаик, Афанасий Гуринов-Арчылан, СӨ Национальнай библиотекатын Кыраайы үөрэтэр национальнай кинигэ салаатын сэбиэдиссэйэ Лариса Кычкина уонна СӨ Национальнай библиотекатын кинигэ кыһатын салайааччыта Наталья Игнатьева үлэлээтилэр.

Добун сурук I үрдэлэ: «Балбаара, Сэмэн Тумууһаптар. Ыал. Удьуор утума. ХХI үйэ кинигэҕэ», ааптар - Федот Семенович Тумусов.

Добун сурук II үрдэлэ: «Мөккүөрдээх кэм туоһулара», ааптардар - Любовь Михайловна Григорьева, Татьяна Игнатьевна Андросова.

Добун сурук III үрдэлэ: «Оонньообут тиэргэммит ахтылҕана», ааптар -Прокопий Иванович Антипин.

Саха сирин норуодунай суруйааччыта С.А.Попов – Тумат биһирэбил суругунан «Оҕо саас ахтылҕана» кинигэтинэн Кыдана Владимировна Дорофеева уонна «Былыргы былдьаһыктаах дьыллартан...», «Болугурцы - потомки Омоллона», «Дьоруой Мааса» кинигэлэринэн Николай Николаевич Аржаков-Боло Уус бэлиэтэннилэр.

Арассыыйа суруйааччыларын сойууһун чилиэнэ Е.С. Иринцеева – Огдо биһирэбил суругунан «Благодарная память» кинигэтинэн Агафья Александровна Соловьева бэлиэтэннэ.

Бэйиэт, прозаик, «Күрүлгэн» уус-уран сурунаал сүрүн эрэдээктэрэ А.Г. Гуринов-Арчылан биһирэбил суругун «Ыраас таптал - төлкөлөөх олох» кинигэтинэн Анна Ксенофонтовна Андреева ылла.

СӨ Национальнай библиотекатын биһирэбил суругунан «Дети С.М.Аржакова» кинигэтинэн Венера Федоровна Тихонова наҕараадаланна.

СӨ Национальнай бибилэтиэкэтин Саха сирин төрүт олохтоох норуоттар кииннэрин биһирэбил суругунан «Абыйтан төрүттээх үтүө дьонноох халыҥ уус», «Абый Муҥурдааҕыттан төрүттэммит Слепцовтар халыҥ уустара» кинигэлэринэн Екатерина Гавриловна Новикова бэлиэтэннэ.

СӨ Национальнай бибилэтиэкэтин Кыраайы үөрэтэр салаатын биһирэбил суругун «Мөһүнньүкүөптэр» кинигэтинэн Владислав Петрович Коротов ылла.