Саха норуодунай бэйиэтэ Наталья Харлампьева саха литературата суругунан сайдыбыта 125 сылыгар аналлаах маҥнайгы подкастыгар саха литературатын классиктарын туһунан кэрэхсэбиллээх кэпсээнин истиҥ, сэргээҥ. Ааптар саха литературатын тумус туттар классиктарын дьылҕаларыгар репрессия кытаанах, тыйыс сыһыана хайдах сабыдыаллаабытын анааран көрөр. Саха литературата түүрк омуктан тардыылааҕын, ону силиһин-мутугун быһаарар кэм кэлбитин туһунан ылыннарыылаах тылынан сэһэргиир.

Подкаст култуурунай хамсааһыннарга бэрэсидьиэн пуондатын гранын чэрчитинэн оҥоһуллубута, култуурунай сыаннастары, үөрэх бырагырааммаларын өйүүргэ уонна сайыннарарга туһуламмыт.