Бэс ыйын 3 күнүгэр 11 чаастан СӨ Национальнай бибилэтиэкэтин историческай саалатыгар историк, саха норуотун Аҕа дойду улуу сэриитин кэмигэр кылаатын чинчийэн үөрэппит, киэҥ араҥаҕа сырдаппыт история билимин хандьыдаата Дмитрий Дмитриевич Петров сырдык аатыгар ыытыллар түһүлгэҕэ ыҥырабыт.

Дмитрий Петров 1921 сыллаахха Уус Алдан улууһун Баатаҕай нэһилиэгэр төрөөбүтэ. Дьокуускайдааҕы педагогическай институту бүтэрэн, Курбуһах, Наайаха орто оскуолаларын дириэктэринэн, Мүрү орто оскуолатын саабыһынан өр сылларга үлэлээбитэ. Академия наук Саха сиринээҕи филиала арыллыаҕыттан науканан дьарыктанан учуонай сэкиритээринэн, научнай үлэһитинэн үлэлээбитэ, 1958 сыллаахха диссертациятын көмүскээн история билимин хандьытаата буолбута. 

Кини Аҕа дойду улуу сэриитин туһунан чинчийэн, үөрэтэн саха норуота сэрии сылларыгар Кыайыыны уһансарга улахан оруоллааҕын дакаастаан үйэлэргэ суруйан хаалларбыт норуотун иннигэр улахан өҥөлөөх. Ол курдук сахалар сэриигэ снайпер быһыытынан, бэргэнник ытарга тэҥнээхтэрэ суоҕун, сахалар улахан кыргыыһыларга кыттыспыттарын үөрэтэн, Москва, Ленинград, Сталинград, Курск иһин кыргыһыыларга улахан кылааттаахтарын, Саха сириттэн 15 Сэбиэскэй сойуус дьоруойун, Чурапчы көһөрүүтүн алдьархайын барытын үөрэтэн улахан үлэлэргэ тиһэн хаалларбыт историк буолар.

Дмитрий Дмитриевич сырдык кэриэһигэр анаммыт киэһэҕэ кэлэн кыттыыны ыларгытыгар ыҥырабыт.