Кулун тутар 6 күнүгэр күнүс 14 чаастан СӨ Национальнай бибилэтиэкэтин Историческай саалатыгар «Сахам мааны таҥаһа» тэрээһиҥҥэ ыҥырабыт.

Бу күн Надежда Ахматова, Светлана Петрова-Уран Хатын «Сахам мааны таҥаһын «бууктаах сон» тигиитэ», Зинаида Заболоцкая-Синан «Модная Якутия», Светлана Петрова-Уран Хатын, Ия Покатилова «Традиционная якутская одежда: символика и семантика» кинигэлэрин үөрүүлээх быһыыга-майгыга сүрэхтиэхтэрэ. 

Маны таһынан эһигини күүтэр кинигэ быыстапката уонна атыыта, саха таҥаһын көрдөрүү, кучу чэйдээх иһирэх кэпсэтии, оонньуулар.

Кыттыыны ылыахтара ыҥырыылаах ыалдьыттар: Москва куоратттан модельердар Мария уонна Полина Розенблюм, маастардар Хаҥалас Нөмүгүтүттэн Валериана Никифорова уонна Виктория Ноговицына, Дьокуускай куораттан Варвара Егорова – Дыгыйа уонна Варвара Попова.

Үөрүүлээх түгэни ырыанан киэргэтиэхтэрэ эстрада ырыаһыта Анна Дива уонна кини үөрэнээччилэрэ.

Тэрээһиҥҥэ сахалыы таҥастаах кэлэр биһирэнэр, ураты көстүүлээх, уран оҥоһуулаах сахалыы таҥастаахтары сэмэй бэлэх күүтэр.

Сандал саас биир мааны түһүлгэтигэр кэлиҥ, сылдьыҥ, ыалдьыттааҥ диэн ыҥырабыт! Тэрээһини бу сигэнэн холбонон көрүөххүтүн сөп.