2025 сыл олунньу 10 күнэ – Ньурбаттан бастакы уонна соҕотох ССРС суруйааччыларын союҺун чилиэнэ, ССРС суруналыыстарын союһун чилиэнэ Степан Прокопьевич Федотов төрөөбүтэ 90 сыла. 

Бу күн Национальнай библиотека иккис этээһигэр 16.00 чаастан Степан Федотовка аналлаах дьоро киэһэҕэ ыҥырабыт. Биир дойдулаахтара, үөлээннээхтэрэ кэлэн, Ньурбатын аатын ааттаппыт суруйааччы, суруналыыс, очеркист, публицист, поэт туһунан ахтан-санаан ааһыахтара. Тэрээһиҥҥэ бу сигэнэн кыттыһыахха сөп.

Ыспыраапка:

Степан Федотов литератураҕа эмискэ киирбит: үс бастакы очеркалара Саха сирин суруналыыстыкатын биир күрэҕэр соҕотохто бастакы, иккис, биһирэбил бириэмийэлэммиттэр. Ол уочаркалара бастакы кинигэтигэр «Кынаттаах олоҕор» 1962 сыллаххха тахсан, ааҕааччыларга тута биһирэппитэ. «Кынаттаах олохтон» саҕалаан суруйааччы бөрүөнү тутарын былаһыгар сэрии алдьархайдаах сылларын туһунан үгүс айымньылары суруйбута: «Огдоос эмээхсин уонна Бүлүү эбэ», «Олох тосхоллоро», «Үһүстээн тиллии», «Хайыахха?» о.д.а. Степан Федотов «Эдэр коммунист», «Кыым» хаһыаттар корреспонденнарын быһыытынан Саха сирин бары улуустарын уһаты-туора сыыйбыта, түбүктээх олоҕу олорбута.