Алтынньы 11 күнүгэр 16.00 чааска СӨ Национальнай библиотекатын Историческай саалатыгар «Сүрэҕин төлөнүн наукаҕа анаабыт Василий Ушницкай» кинигэ сүрэхтэниитигэр ыҥырабыт.

Кинигэҕэ и.н.к., Гуманитарнай чинчийиилэр уонна аҕыйах ахсааннаах хотугу норуоттар проблемаларын институтун археологияҕа уонна этнографияҕа салаатын старшай научнай улэһитэ Василий Васильевич Ушницкай олоҕун, наукаҕа киэҥ далааһыннаах, дириҥ хорутуулаах үлэтин, хаалларан барбыт научнай нэһилиэстибэтин туһунан аймахтарын, учууталларын, оскуолаҕа, университекка бииргэ үөрэммиттэрин, наука эйгэтигэр өр сылларга бииргэ үлэлээбит коллегаларын ахтыыларынан кэпсэнэр.

Кэлиҥ, сылдьыҥ, сэргээҥ диэн ыҥырабыт!