Бу интэриэһинэй. Тымныы уулаах Днепр кытылыгар…
![eb0c1abe-2aad-4f2b-81b7-23fb50276bf5.jpg eb0c1abe-2aad-4f2b-81b7-23fb50276bf5.jpg](/upload/medialibrary/2d8/eb0c1abe-2aad-4f2b-81b7-23fb50276bf5.jpg)
Аҕа дойду геройдарын күнүнэн бүгүн эһиэхэ сахалартан бастакынан Сэбиэскэй Сойуус Геройа аатын ылбыт Федор Кузьмич Попов көмүс уҥуоҕар суруналыыстар бара сылдьыбыттарын туһунан Ася Иевлева кэпсиир.
Чаҕылҕан хоһоонугар этиллэринии, Днепр, чахчы, тымныы эбит. 1943 сыл күһүнүгэр түөрт ый тухары тохтообокко буолбут, хас эмэ мөлүйүөнүнэн киһи кыттыбыт кырыктаах кыргыһыытыгар тохтубут кыа хааны билиҥҥэ диэри суурайа сатыырдыы, дохсуннук баалырар, олус түргэнник устар. Сүүрүгэ холорук курдук эрийэ олорор. Оннук айылаахха оҕустаран тимирбэккэ, анараа биэрэккэ харбаан туораабыттарын сөхтүбүт. Аны, кытыллара намыһах буолбатахтар, үрдүк эмпэрэлэр. Дабайан тахсарга да күүс-сэниэ бараныах курдук.
Биһиги кэлэрбитин истэн, Днепр өрүһү бастакынан туораан, плацдармы ылыыга суолу арыйбыт, илиитинэн киирсэн уонна бөлүмүөтүнэн ытан, 70 өстөөҕү кыдыйбыт, сахалартан бастакынан 1944 сыллаахха Сэбиэскэй Сойуус Геройа ааты ылбыт Федор Кузьмич Поповка аналлаах быыстапканы бэлэмнээбиттэр.
![ba7711b6-2a28-4c7f-b898-9fc5dea01e4d.jpg ba7711b6-2a28-4c7f-b898-9fc5dea01e4d.jpg](/upload/medialibrary/a04/ba7711b6-2a28-4c7f-b898-9fc5dea01e4d.jpg)
Сиһилии «Блоги Якутии» киирэн аах: https://blogi.nlrs.ru/93902/106968