Сэтинньи 25 күнэ – Олоҥхо күнэ

25.11.2024

Олоҥхо – саха норуотун тылынан уус-уран айымньытын муҥутуур чыпчаала, үйэттэн үйэ, көлүөнэттэн көлүөнэ тухары бэриллэн испит дириҥ ис хоһоонноох баайа.

2006 сыллаахха ЮНЕСКО Олоҥхону аан дойду култууратын шедевринэн билинэн үйэтитэри, харыстыыры, киэҥ эйгэҕэ таһаарары ирдиир. Маны ситиспит бэрэсидьиэн В.А. Штыров уурааҕынан сэтинньи 25 күнэ Олоҥхо күнүнэн биллэриллибитэ.

Национальнай бибилэтиэкэ ааҕааччыларын Олоҥхо дэкээдэтэ саҕаламмытынан эҕэрдэлээн туран, Олоҥхо сайтыгар баар кинигэлэри кытта киирэн билсэргитигэр уонна виртуальнай быыстапканы киирэн көрөргүтүгэр ыҥырар.