Өймөкөөҥҥө Олоҥхо ыһыаҕар аналлаах тэрээһиннэр салҕаналлар
16.03.2023
![WhatsApp Image 2023-03-16 at 10.50.32.jpeg WhatsApp Image 2023-03-16 at 10.50.32.jpeg](/upload/medialibrary/bbc/WhatsApp%20Image%202023-03-16%20at%2010.50.32.jpeg)
Бүгүн, Алексей Елисеевич Кулаковскай-Өксөкүлээх Өлөксөй төрөөбүт күнүгэр, Өймөкөөн улууһун Томтор нэһилиэгэр «XVI Олоҥхо ыһыаҕа Өймөкөөҥҥө: Айыы санаа айана» диэн билим-методическай өрөспүүбүлүкэтээҕи кэмпириэнсийэ үлэтин саҕалаата. Барыта 16 улуустан уонна Дьокуускай куораттан, Өймөкөөн улууһуттан 600-чэкэ киһи кэллэ. Тэрээһиҥҥэ Саха Өрөспүүбүлүкэтин култуураҕа уонна духуобунай сайдыыга миниистири солбуйааччы Афанасий Ноев кыттар, пленарнай мунньаҕы Өймөкөөн улууһун баһылыга Иннокентий Сивцеви кытта иилээн-саҕалаан ыыталлар.
![WhatsApp Image 2023-03-16 at 10.50.50.jpeg WhatsApp Image 2023-03-16 at 10.50.50.jpeg](/upload/medialibrary/eeb/WhatsApp%20Image%202023-03-16%20at%2010.50.50.jpeg)
Бу күн «Өксөкүлээх сардаҥата» диэн Кулаковскайга сүгүрүйүү сиэрин-туомун оҥордулар.
«Өксөкүлээх 1924 сыллаахха туруорбут сэргэлэригэр тиийэн, тэрээһин ыытан, санаабыт салалынна, сайдыыбыт кэскилин түстээтибит диэн этиэх тустаахпын. Ону таһынан, Алексей Елисеевич Кулаковскай төрөөбүтэ 146 сааһын туолар күнүгэр төгүрүк остуол ыытылынна. Саха норуотун олоҕун уонна кэлэр кэскилбитин түстээбит улуу бөлүһүөкпүт, духуобунай салайааччыбыт тула кэпсэттибит», - диэтэ Ноев.
«XVI Олоҥхо ыһыаҕа Өймөкөөҥҥө: Айыы санаа айана» диэн билим-методическай өрөспүүбүлүкэтээҕи кэмпириэнсийэ иитинэн норуот маастардарын оҥоһуктарын быыстапка-дьаарбаҥката, норуот инструменнарыгар оонньуурга маастар-кылаастар, тимир, мас уустарын маастар-кылаастара ыытыллаллар, сахалыы хамсаныылар, тыыныы, айылҕа эмин-томун туһунан кэпсииллэр. Олоҥхо ыһыаҕын тэрийээччилэрин кытта көрсүһэллэр, санаа атастаһаллар, уопут үллэстэллэр.
![WhatsApp Image 2023-03-16 at 10.50.22.jpeg WhatsApp Image 2023-03-16 at 10.50.22.jpeg](/upload/medialibrary/a71/WhatsApp%20Image%202023-03-16%20at%2010.50.22.jpeg)
![WhatsApp Image 2023-03-16 at 13.04.37.jpeg WhatsApp Image 2023-03-16 at 13.04.37.jpeg](/upload/medialibrary/bf0/WhatsApp%20Image%202023-03-16%20at%2013.04.37.jpeg)
![WhatsApp Image 2023-03-16 at 10.50.25.jpeg WhatsApp Image 2023-03-16 at 10.50.25.jpeg](/upload/medialibrary/ba9/WhatsApp%20Image%202023-03-16%20at%2010.50.25.jpeg)
![WhatsApp Image 2023-03-16 at 10.50.46.jpeg WhatsApp Image 2023-03-16 at 10.50.46.jpeg](/upload/medialibrary/07a/WhatsApp%20Image%202023-03-16%20at%2010.50.46.jpeg)
![WhatsApp Image 2023-03-16 at 10.50.47.jpeg WhatsApp Image 2023-03-16 at 10.50.47.jpeg](/upload/medialibrary/361/WhatsApp%20Image%202023-03-16%20at%2010.50.47.jpeg)
Кэмпириэнсийэ иккис күнэ сарсын, кулун турар 17 күнүгэр, салгыы ыыттыллыаҕа.
Кулун тутар 14-15 күннэригэр Олоҥхо ыһыаҕар аналлаах научнай-методическай кэмпириэнсийэ Өймөкөөн улууһун Уус Нера бөһүөлэгэр буолан ааспыта.
СӨ Национальнай библиотекатын Медиакиинэ
Рубрики