«Айымньы суола» бырайыак чэрчитинэн сүнньүнэн иистэнэр дьоҥҥо туһалаах лекциялар ыытыллаллар.

Быйылгы сылы олунньу 2 күнүгэр норуот маастара, РФ орто үөрэхтээһин бочуоттаах үлэһитэ, иискэ үөрэтэр методическай босуобуйалар автордара Людмила Петровна Жиркова саҕалаата.

Людмила Петровна бастакы лекциятыгар кыбытык тигии араас ньымаларын туһунан билиһиннэрдэ, бэйэтин оҥоһуктарын уонна үөрэнээччилэрин үлэлэрин көрдөрдө. Кэлбит дьон элбэҕи билэн, ыйытыктарыгар хоруй ылан тарҕастылар.

Кэлэр өрөбүлгэ, олунньу 9 күнүгэр, сахалыы иискэ оҕуруону туттуу туһунан лекция буолуоҕа. Оҕуруоттан үлэлэр көрдөрүүгэ туруохтара, киэргэллэри көрдөрөр дефиле ыытыллыа.

Буолар кэмэ: олунньу 9 күнэ, 11.00 ч.

Буолар миэстэтэ: СӨ Национальнай библиотекатын 4 этээһигэр, коворкинг кииҥҥэ.