Саха Өрөспүүбүлүкэтин Национальнай библиотеката Култуура уонна духуобунай сайдыы министиэристибэтин кытта култуура уонна ускуустуба диэйэтэллэрин үлэлэрин-хамнастарын сырдатар видеолары таһаарар.

Бырайыак Саха сиригэр Үлэ сылыгар ананар.

Бу таһаарыыга Былатыан Ойуунускай аатынан Саха академическай тыйаатырын сүрүн режиссера Руслан Тараховскай идэтин, күн устата тугу гынарын, үлэтин-хамнаһын билиһиннэриэҕэ. 

Саха тыйаатыра муус устар 27, 28, 29, 30 күннэригэр Василий Яковлев-Далан романынан «Тулаайах оҕо» диэн саҥа испэктээххэ ыҥырар. Тыйаатыр режиссера Руслан Тараховскай былыргы былдьаһыктаах дьылларга Саха сиригэр олорон ааспыт, хааннаах кыргыһыыларга сиик буолан симэлийбит, тыал буолан көппүт тумат омук, тоҥ биистэр олохторун икки тулаайах оҕо дьылҕатынан көрдөрөр.