«Олоҥхону сыыппара худуоһунньуктара ойуулууллар» альбом-кинигэ таҕыста
17.12.2024
СӨ Национальнай бибилэтиэкэтин иһинэн тэриллибит электроннай издательствоҕа «Олоҥхону сыыппара худуоһунньуктара ойуулууллар» диэн альбом-кинигэ таҕыста.
2022 сыллаахха «Сообщество цифровых художников» диэн түмсүү тутаах дьоно Туйаара Стручкова уонна Светлана Яковлева көҕүлээһиннэринэн «Fantasy Olonkho» диэн мультимедийнай күрэх-быыстапка буолбута.
Онно сыыппара худуоһунньуктара олоҥхо тиэмэтигэр уруһуйдарынан кыттыбыттара. Барыта 101 сайаапка, 68 үлэ киирбитэ. Бастыҥ үлэлэри Олоҥхо дэкээдэтин чэрчитинэн «Арассыыйа – мин устуоруйам» түмэл-пааркаҕа буолбут «Олонхо ЭКСПО-2022. Путь Олонхо длиною в век» быыстапкаҕа көрдөрүүгэ туруорбуттара.
Хартыыналары Национальнай бибилэтиэкэ «Олоҥхо» саайтыгар ылбыта. Олортон таҥан, редактор Анисия Иевлева Туйаара Стручковалыын бу альбом-кинигэни таһаартардылар.
Олоҥхону ыччакка билиһиннэрэргэ бэртээхэй ойуулардаах.
Онон бу https://new.nlrs.ru/open/120546 сигэнэн киирэн, эдэр худуоһунньуктар олоҥхону аныгылыы ньыманан хайдах дьүһүйбүттэрин көрүҥ, сэргээҥ.
Рубрики
