Саха норуодунай поэтессата, Саха Сирин суруйааччыларын сойууһун бэрэссэдээтэлэ, Россия суруйааччыларын Сойууһун чилиэнэ, «Далбар хотун» сурунаалы төрүттээччи Наталья Ивановна Харлампьева төрөөбүтэ 70 сааһыгар аналлаах «Хомоҕой хоһоон хотуна» виртуальнай выставка.

Наталья Ивановна 1952  сыллаахха  Балаҕан ыйын 1 күнүгэр  Маҕан сэлиэнньэтигэр төрөөбүт. Саха государственнай университетын историко-филологическай факультетын кэтэхтэн үөрэнэн бүтэрбит. 1976 сыллаахха бастакы хоһооннорун хомуурунньуга — “Аэро­план" — күн сирин көрбүтэ. Бу хоһооҥҥо бастакы холонуута саха ытык поэттарын — Семен Данилов, Семен Руфов, Михаил Тимофеев — биһирэбил сыаналарын ылбыта. «Кыһыл ньургуһун» хоһооннорун хомуурунньуктарын иһин Саха Сирин Комсомолун бириэмийэтигэр тиксибитэ. 1988 сылтан ССРС суруйааччыларын сойууһун чилиэнэ. Хоһоонноро араас омук тылларыгар тылбаастаммыттара.

Виртуальнай быыстапкаҕа Наталья Ивановна олоҕун олуктара, айар үлэтэ, мультимедийнай подкастара, Национальнай библиотека фондатыттан электроннай кинигэлэрэ киирдилэр.

Быыстапканы кытта ссылканан билсиэххитин сөп.