«Мин дьону туойабын» диэн саҥа кинигэ сүрэхтэниитигэр ыҥырабыт
09.03.2023
![WhatsApp Image 2023-03-09 at 14.48.43.jpeg WhatsApp Image 2023-03-09 at 14.48.43.jpeg](/upload/medialibrary/483/WhatsApp%20Image%202023-03-09%20at%2014.48.43.jpeg)
Кулун тутар 10 күнүгэр 15.00 чаастан Национальнай библиотека Историческай саалатыгар Полина Победа «Мин дьону туойабын» диэн кинигэтин сүрэхтэниитэ ыытыллыаҕа. Кини Саха сирин биллиилээх дьонугар анаабыт хоһооннорун Саха Өрөспүүбүлүкэтин үтүөлээх артыыһа Кирилл Семенов уонна «Саха» НКИХ ыытааччыта Эдуард Рудых ааҕан иһитиннэриэхтэрэ, саха эстрадатын артыыстара ылбаҕай ырыаларын бэлэхтиэхтэрэ.
Полина Пантелеймовна Находкина - Полина Победа 1954 сыллаахха ыам ыйын 9 күнүгэр Уус Алдан улууһун Танда бөһүөлэгэр төрөөбүтэ. Чэриктэй оскуолатыгар үөрэнэр кэмигэр саха тылын учуутала Анна Охлопкова литературнай куруһуогар дьарыктаммыта, хоһоонноро «Бэлэм буолга» бэчээттэнэллэрэ. 2001 сыллаахха ийэтэ олохтон барыаҕыттан ыла хоһоон суруйар буолбут. Үксэ таптал, олох туһунан этэ. Айымньылара хас да хомуурунньукка киирбиттэрэ. 2019 сыллаахха «Олоххо көрүүлэрим» диэн ааттаах бастакы кинигэтэ тахсыбыта. «Мин дьону туойабын» (анабыл хоһооннор) - бу иккис кинигэтэ.
Тэрээһини бу сигэнэн https://nlrs.ru/event-redirect/9976 киирэн көрүөххүтүн сөп.
Рубрики