СӨ Национальнай библиотекатын Историческай саалатыгар саха норуодунай суруйааччыта, Саха Өрөспүүбүлүкэтин А.Е. Кулаковскай аатынан судаарыстыбаннай бириэмийэ лауреата Василий Назарович Егоров-Тумарча «Саха геолога» диэн кинигэтин сүрэхтэниитигэр ыҥырабыт.

Тэрээһин ахсынньы 22 күнүгэр 15.00 чаастан ыытыллыаҕа.

«Саха геолога» ромаҥҥа 20-с үйэ ортотугар төрөөбүт саха тыатын уола оҕо сааһыттан саҕалаан үөрэххэ, үлэҕэ эр киһилии уһуйуллуута, геология уустук салаатыгар ситиһиилээх үөрэҕэ, үлэтэ-хамнаһа, онтон үйэлэр кирбиилэригэр, дойду сайдыыта хамсаабыт кэмигэр, салалтаҕа тахсан, Сахатын сирин, норуотун туһугар өрө көтөҕүллэн турууласпыт элбэх ситиһиилээх да, күчүмэҕэй да түгэннэрэ кэпсэнэр.