«Саха сирин суруйааччыларын айымньыларыгар норуот билиитэ, мындыр көрүүтэ» диэн оҕолорго аналлаах өрөспүүбүлүкэтээҕи күрэх ыытыллар.

Күрэх төрөөбүт тыл, саха өйүн-санаатын барҕа баайын, үгэһин суолтатын үрдэтиигэ, билиини хаҥатыыга, Саха сирин суруйааччыларын айымньыларын ааҕыыга ананар. Оҕо чопчу уонна ситимнээхтик саңарар-иҥэрэр, санаатын сайа этэр, тириэрдэр дьоҕурун сайыннарар сыаллаах ыытыллар.

Тэрийээччилэр: СӨ Национальнай бибилэтиэкэтэ, Саха Өрөспүүбүлүкэтин суруйааччыларын Сойууһа, «Саха өйүн-санаатын баайын уонна култууратын сырдатар-чинчийэр киин» кэмиэрчэскэйэ суох автономнай тэрилтэ, Оҕо ааҕар, сайдар киинэ.

Күрэххэ 2-4, 5-8, 9-11 кылаас үөрэнээччилэрэ кытталлар. Биирдиилээн оҕо талбыт тиэмэтигэр чинчийиилэргэ, айымньыларга олоҕуран, санаатын этэн-тыынан, 5-7 мүнүүтэ уһуннаах гына үчүгэй хаачыстыбалаахтык видеоҕа устан, балаҕан ыйын 15 күнүгэр диэри ыытар (үлэни ostyoryja_2019@mail.ru аадырыска ыытаҕыт).

Киирбит устуулар талыллан, «Саха этигэн тыла» саайка, «Саха суола» ютуб-ханаалга уонна ыытааччы тэрилтэлэр саайтарыгар киириэхтэрэ.

•        Төрөөбүт тылбыт (холобур, чабырҕах, өс хоһооно – омук мындыр өйө, сомоҕо домох кэрэтэ, о.д.а.)

•        Төрүт үгэспит, дьарыкпыт

•        Мин сөбүлүүр суруйааччым

•        Биһириир айымньым кэрэхсэбилэ

•        Сахалыы сиэр-майгы

•        Саха өйүн-санаатын барҕа баайын үйэтитии аныгы таһымҥа

Оҕо тыл этэр дьоҕурун, кыаҕын, уһулуччутун талан ыларга маннык ирдэнэр:

1.      Санаатын тириэрдэригэр этиини дэгэттиир ньымалара.

2.      Тиэмэтин арыйыыта.

3.      Тыл этэр култуурата (таҥаһа-саба, туттан-хаптан туруута, куолаһы оонньоторо о.д.а.).

Күрэххэ кыттыбыттарга туоһу сурук, кыайыылахтарга дьупулуом, анал аат бэриллэр.

Болдьоҕо: 2022 сыл бэс ыйын  12 күнүттэн  балаҕан ыйын 15 күнүгэр диэри, күрэххэ кыттыы босхо.