Дьокуускайга сэттис төгүлүн «Сахалыы диктант» ыытыллыаҕа
Олунньу 15 күнүгэр СӨ Национальнай библиотеката уонна М.К.Аммосов аатынан ХИФУ Хотугулуу-Илиҥҥи норуоттарын тылларын уонна култуураларын института «Сахалыы диктант» суруйарга ыҥыраллар.
![a2ad2d68-6e60-4a78-9bc5-1172da62cf48.jpg a2ad2d68-6e60-4a78-9bc5-1172da62cf48.jpg](/upload/medialibrary/333/a2ad2d68-6e60-4a78-9bc5-1172da62cf48.jpg)
2014 сылтан бу акция Төрөөбүт тылга, сурукка-бичиккэ аналлаах декада чэрчитинэн сахалыы таба суруйуу үөрүйэҕин олохсутар, иҥэрэр сыаллаах ыытыллар.
Сахалыы диктаны библиотека түөрт саалатынан суруйуохтара.
Быйыл акция Николай Неустроев 125 сылыгар сөп түбэһэр буолан, диктаҥҥа кини кэпсээниттэн быһа тардан ааҕыахтара, тиэкис 250-300 тылтан турар буолуоҕа.
Быйыл акцияҕа улуустар кыттыһыахтара.
Диктант суруйуон баҕалаахтары олунньу 15 күнүгэр 13.00 чаастан Ленин пр, 40 күүтэбит (Октябрьскай уул. өттүттэн).
![b909ee45-3c16-462e-9e60-c1ad07cd7d1d.jpg b909ee45-3c16-462e-9e60-c1ad07cd7d1d.jpg](/upload/medialibrary/be3/b909ee45-3c16-462e-9e60-c1ad07cd7d1d.jpg)